NO MÅ VELJARANE TENKE NYTT OG STEMME SLIK AT VI FÅR EIN POLITIKK SOM TEK AVGJERANDE OMSYN TIL HEILSKAP OG SOM VISER VILJE OG EVNE TIL Å RETTE OPP ALLE OFFENTLEGE OVERGREP MOT GRUPPER OG ENKELTMENNESKE!
Etter å ha delteke i den politiske samfunnsdebatten gjennom heile mitt vaksne liv i over 50 år, ser eg heilt klårt føre meg at dersom vi skal få til vesentlege og heilt avgjerande endringar i samfunnet på område som betyr noko for folk flest må vi satse på noko anna enn dei fastgrodde oppfatningane om at anten så fører vi ein «konservativ» politikk basert på Høgre sin filosofi og luftige slagord om «Muligheter for alle» eller Arbeiderpartiets påståtte forankring i Det Sosialdemokratiske prinsipp «Alle SKAL med».
I dagens partiflora er det, slik eg ser det, berre eit parti som KLART og TYDELEG viser tegn på å sjå heile samfunnet i ein større heilskap, utan å henge seg opp i politiske dogmer, og det er Senterpartiet.
Senterpartiet har som kjent stått i det politiske SENTRUM i norsk politikk, og vist dette gjennom konkrete innspel i den politiske debatten.
Ved å STÅ FAST på dette fundamentet vil Senterpartiet vere det rette alternativ for alle som ynskjer seg eit samfunn tufta på dei kjerneverdiar eit levande FOLKESTYRE, DEMOKRATI og RETTSSTAT MÅ basere seg på.
Det er difor med utgangspunkt i den aukande oppslutnaden Senterpartiet har i befolkninga heilt realistiske mogelegheiter for å bryte den dominerande maktposisjonen Høgre og Arbeiderpartiet har hatt i norsk politikk.
Kollsete 21.02.2020
Alf Reutz Kollsete